Жойларда жиноятчилик аҳволини ўрганиш давом этмоқда

Бош прокуратура Академияси ходимлари томонидан ҳудудларда криминоген вазиятни таҳлил қилиш, мавжуд муаммоларни аниқлаш ҳамда уларни бартараф этиш бўйича таклифлар ишлаб чиқиш амалиёти давом эттириб келинмоқда.

Муқаддам Навоий вилоятида айнан шу йўналишда фаолият кўрсатаётган эксперт-таҳлил гуруҳларининг фаолияти бевосита ўрганилган эди.

Ҳозирда мазкур ўрганиш Бухоро вилоятида давом эттирилиб, бевосита жойларга чиққан ҳолда эксперт-таҳлил гуруҳлари таркибига киритилган вакиллар билан учрашувлар ўтказилиб, гуруҳ аъзоларига мавжуд муаммоларни аниқлаш ва уларни бартараф этиш юзасидан таклифлар ишлаб чиқиш кўникмаси ва амалиёти юзасидан тегишли тавсиялар берилмоқда.

Хусусан, Жиноятларнинг содир этилиши сабабларини тизимли таҳлил қилиш ва ўрганиш маркази ходимлари томонидан вилоят прокурорининг биринчи ўринбосари Б.Камолов ва бўлим бошлиғи К.Икрамовлар иштирокида Вобкент тумани эксперт-таҳлил гуруҳи вакиллари билан ўтказилган йиғилишда соҳага оид долзарб масалалар юзасидан тушунтиришлар берилди.

Академия ходимлари томонидан жойларда бу каби амалий тадбирлар давом эттирилмоқда.