2022 – 2026 йилларга мўлжалланган Янги Ўзбекистоннинг тараққиёт стратегиясига бағишланган ўқув курси ўтказилди

Бош прокуратура Академияси томонидан Ўзбекистон Республикаси Президентининг 28.01.2022 йилдаги ПФ–60-сон Фармони билан тасдиқланган
2022-2026 йилларга мўлжалланган Янги Ўзбекистоннинг тараққиёт стратегияси ҳамда Янги Ўзбекистоннинг тараққиёт стратегиясини “Инсон қадрини улуғлаш ва фаол маҳалла йили”да амалга оширишга оид Давлат дастурининг ижросини таъминлаш масалаларига бағишланган масофавий ўқув курси ўтказилди.

Ушбу ўқув курсида дастлаб вилоят прокурорлари ва уларга тенглаштирилган прокурорлар ҳамда уларнинг ўринбосарлари ўз билим ва малакаларини оширдилар.

Ўқув машғулотлари мобайнида 7 та устувор йўналишдан иборат Янги Ўзбекистоннинг тараққиёт стратегияси ҳамда уни “Инсон қадрини улуғлаш ва фаол маҳалла йили”да амалга оширишга оид Давлат дастури, ҳар бир устувор йўналиш бўйича белгиланган мақсад ва вазифалар ҳамда уларни амалга ошириш механизмлари, прокуратура органлари олдидаги устувор вазифалар борасидаги масалалар атрофлича кўриб чиқилди.

Ўқув курси якунида тингловчиларга белгиланган тартибда сертификатлар топширилди.