ТДЮУ битирувчиларини Академия магистратурасида ўқишга жалб қилиш мақсадида учрашув ташкил этилди

Бош прокуратура Академияси томонидан мамалакатимиздаги бошқа олий юридик таълим муассасалари билан ўқув-амалий ҳамкорликка алоҳида эътибор қаратиб келинган. Хусусан, Академия магистратурасига “юриспруденция” мутахассислиги бўйича бакалавр босқичини тамомлаган битирувчиларни жалб қилиш мақсадида олий таълим муассасалари битирувчи талабалари билан мунтазам равишда учрашувлар ташкил этилиши анъанага айланган.

Навбатдаги учрашув “Хотира ва қадрлаш куни” тадбирлари доирасида Тошкент давлат юридик университети битирувчи талаблари билан Ўзбекистон прокуратураси тарихи музейида ташкил этилди.

Учрашувда талабаларга магистратурасида таҳсил олиш учун яратилган имкониятлар, прокуратура органларига тизимига кирувчи  ушбу таълим муассасасида таҳсил олишнинг афзалликлари, кириш имтиҳонлари ҳамда ўқишни ташкил этиш тартиби, шунингдек магистратура фаолиятига оид бошқа маълумотлар ҳақида батафсил тушунтиришлар берилди.

Шу билан бирга, тадбир давомида талабалар прокуратура органларининг шаклланиш тарихи, алоҳида хизмат кўрсатган ходимлар фаолияти, шунингдек бугунги кундаги прокуратура ҳаётига оид бўлган маълумотлар билан яқиндан танишдилар. Тадбирнинг ташкил этилиши ҳам алоҳида рамзий маъно касб этди.

Учрашув сўнгида талабалар ўзларини қизиқтирган саволларга батафсил жавоблар олдилар.