Йўл-транспорт ҳодисаларининг олдини олиш соҳасидаги фаолият давом эттирилмоқда

Бош прокуратура Академияси томонидан БМТ ГЖБ ҳудудий ваколатхонаси билан ҳамкорликда Тошкент шаҳри Чилонзор туманида “Хавфсиз ҳудуд” лойиҳаси амалга оширилган.  

Лойиҳани амалга ошириш давомида йўл-транспорт ходисалари билан боғлиқ ҳуқуқбузарликларнинг олдини олиш методикаси ишлаб чиқилган. Йўл ҳаракати хавфсизлигини таъминлаш муаммоларига жамоатчилик эътиборини қаратиш ҳамда йўл ҳаракати иштирокчиларининг қонунга итоаткорлигини ошириш натижасида йўл-ҳаракати ҳодисаларининг олдини олиш мақсадида халқаро ҳамкорлар билан махсус ижтимоий видеороликни тасвирга олиш ишлари олиб борилмоқда.

Бош прокуратура Академиясида Академия раҳбарияти ва ходимларининг мазкур видеороликни яратишда иштирок этаётган режиссёр, республика ДАН ҳамда БМТ ГЖБ ҳудудий ваколатхонаси вакиллари билан учрашуви бўлиб ўтди.

Учрашувда ижтимоий видеороликнинг сценарийси, шунингдек уни тасвирга олишни ташкил этиш масалалари муҳокама қилинди.

Муҳокамалар якунига кўра мазкур видеролик учун саундтрек, концепция ва сценарий маъқулланиб, ижодий гуруҳ лойиҳани амалга оширишга киришди