Жойларда криминоген вазиятни ўрганиш ишлари давом эттирилмоқда

Бош прокуратура Академияси томонидан ҳудудларда криминоген вазиятни ўрганиш амалиёти давом эттирилмоқда. Муқаддам Навоий ва Бухоро вилоятларидаги криминоген вазиятни ўрганиш тўғрисида хабар берилган эди. Ҳозирда мазкур фаолият Тошкент вилоятида давом эттирилмоқда.

Ўрганиш жараёнида бевосита жойларга чиққан ҳолда эксперт гуруҳининг ҳар бир аъзоси, яъни прокуратура, адлия, ички ишлар, ёшлар ишлари агентлиги, таълим, меҳнат, соғлиқни сақлаш, божхона, солиқ хизмати, нодавлат нотижорат ташкилотлари ҳамда фуқароларнинг ўзини ўзи бошқариш органлари вакиллари билан алоҳида учрашувлар ўтказилмоқда. 

Учрашувлар давомида жиноятчиликнинг ўсишига таъсир қилувчи омиллар чуқур муҳокама этилиб, келгусида криминоген вазиятни барқарорлаштириш учун амалга оширилиши лозим бўлган ишлар муҳокама қилинмоқда.

Хусусан, Жиноятларнинг содир этиш сабабларини тизимли таҳлил қилиш ва ўрганиш маркази ходимлари ҳамда Тошкент туманида туман прокурори А.Назаров иштирокида эксперт-таҳлил гуруҳи аъзолари билан ўтказилган учрашувда ҳудуднинг ўзига хос жиҳатлари муҳокама этилди, криминоген вазиятни барқарорлаштириш бўйича келгусида амалга оширилиши лозим бўлган вазифалар белгилаб олинди.