Қуролли Кучлар Ҳарбий мерос ва замонавий тадқиқотлар институти билан ҳамкорлик тўғрисида Меморандум имзоланди

Бош прокуратура Академияси илмий-таълим салоҳиятини ошириш, шунингдек малакали кадрлар тайёрлаш борасида тажриба алмашиниш мақсадида идоралараро ҳамкорликни изчиллик билан кенгайтириб бормоқда.

Навбатдаги ўзаро ҳамкорлик тўғрисидаги меморандум 2022 йил 13 июнда Ўзбекистон Республикаси Қуролли Кучлари Ҳарбий мерос ва замонавий тадқиқотлар институти билан имзоланди.

Тадбирда Академия ва Институт раҳбарияти ҳамда профессор-ўқитувчилари жамоаси иштирок этди.

Тадбир давомида томонлар ўртасида бўлиб ўтган конструктив мулоқот давомида ҳамкорлик истиқболлари муҳокама қилиниб, келгусидаги энг муҳим йўналишлари белгилаб олинди.

Хусусан, ушбу ташаббус доирасида ахборот-ресурс марказлари фондидан ўзаро фойдаланиш имкониятини яратиш, томонларнинг ахборот-ресурс марказларини профессор-ўқитувчилар томонидан яратилган дарслик, ўқув қўлланмалари ва уларнинг электрон шакли билан бойитиб бориш, шунингдек, бошқа лойиҳаларни ишлаб чиқилиши кўзда тутилган.

Меморандумнинг имзоланиши икки томонлама ҳамкорликнинг ривожланишига янги куч бериб, илмий тадқиқотларни янада рағбатлантиришга улкан ҳисса қўшади.