ЎЗБЕКИСТОН РЕСПУБЛИКАСИ БОШ ПРОКУРАТУРАСИ АКАДЕМИЯСИ МАГИСТРАТУРАСИГА ҚАБУЛ БОШЛАНДИ

Бош прокуратура Академиясида 2022/2023 ўқув йили учун таълимнинг кундузги ва сиртқи шакллари бўйича магистратурага қабул бошлангани маълум қилинади.

Магистратурага танлов “юриспруденция” таълим йўналиши бўйича таянч олий юридик маълумотга эга бўлган фуқаролар (ш.ж. прокуратура органлари ходимлари) орасида ўтказилади.

Кундузги таълим шаклида қуйидаги мутахассисликлар бўйича жами 60 та қабул квотаси ажратилган. Жумладан:

“Прокурорлик фаолияти” – 15 та;

“Тергов фаолияти” – 15 та;          

“Коррупцияга қарши курашиш” – 15 та;

“Инсон ҳуқуқларига оид халқаро ҳуқуқ” – 15 та (24 та давлат гранти ва 36 та тўлов-контракт).

Сиртқи шакли учун “Прокурорлик фаолияти” мутахассислиги бўйича жами 25 та қабул квотаси жорий қилинмоқда (5 та давлат гранти ва 20 та тўлов-контракт).

Бош прокуратура Академиясининг магистратурасига ҳужжат топшириш тартиби билан видеойўриқнома орқали танишиш мумкин.