Академия ходимлари тақдирланди

Ўзбекистон Республикаси давлат мустақиллигининг йигирма тўққиз йиллиги ҳамда Мустақил Давлатлар Ҳамдўстлиги иштирокчи-давлатларининг Бош прокурорлари Мувофиқлаштирувчи кенгашининг йигирма беш йиллиги  муносабати билан кадрларнинг касбий маҳорати ва малакасини ошириш, ходимларга прокурор-тергов ишининг илғор ютуқларини ўргатиш, уларни қасамёдга садоқат руҳида тарбиялаш ҳамда прокуратура органлари фаолиятини илмий-методик жиҳатдан таъминлаш ишига салмоқли ҳисса қўшиб, самарали хизмат қилиб келаётган Бош прокуратура Академиясининг бир қатор ходимлари мукофотлар билан тақдирланди.

Шу билан бирга, прокуратура органлари кадрларини тайёрлаш, қайта тайёрлаш ва уларнинг малакасини оширишнинг замонавий тизимини яратишда қўшаётган муносиб ҳисса қўшиб келаётган ва хизмат вазифаларини сидқидилдан виждонан бажариб келаётган ходимларга Бош прокурор томонидан тегишли рағбатлантириш чоралари қўлланилди.