Оила ва хотин-қизлар давлат қўмитаси вакиллари иштирокида ишчи йиғилиш ўтказилди

Бош прокуратура Академияси томонидан Барқарор ривожланиш миллий мақсадларининг “Самарали бошқарув” йўналишига оид 5.5.2 индикатори (раҳбар лавозимлардаги аёлларнинг улуши) бўйича Оила ва хотин-қизлар давлат қўмитаси вакиллари иштирокида ишчи йиғилиш ўтказилди.

Вазирлар Маҳкамасининг 21.02.2022 йилги “2030 йилгача бўлган даврда барқарор ривожланиш соҳасидаги миллий мақсад ва вазифаларни амалга оширишни жадаллаштириш бўйича қўшимча чора-тадбирлар тўғрисида”ги 83-сон қарори ижроси юзасидан қўмита ва унинг қошидаги тадқиқот институти масъул ходимларининг фикрлари эшитилди.

Академия масъуллари томонидан, “Самарали бошқарув” эксперт гуруҳининг ишчи органи сифатида, барқарор ривожланиш соҳасидаги миллий мақсад ва вазифаларга эришиш бўйича ишларни тўғри ташкил этиш, кўрсаткичлар (индикатор)ларга оид маълумотларни тўплаш методологияси ҳамда эътибор қаратилиши лозим бўлган ҳолатлар ҳақида тушунтиришлар берилди.