Бош прокуратура Академияси магистратурасига 2022/2023 ўқув йили учун танлов жараёни якунланди

Ўзбекистон Республикаси Бош прокуратураси Академияси магистратурасига танлов жараёни ниҳоясига етди.

Мазкур танловларда жами 176 нафар номзодлар иштирок этдилар, номзодлар томонидан тўплаган баллар қуйидагича. 

Танлов якунига кўра, номзодлар тўплаган балларни умумлаштириш якунларига асосан энг юқори натижаларга эришган 61 нафар номзод таълимнинг кундузги шакли ҳамда 25 нафар номзод эса таълимнинг сиртқи шакли бўйича 2022/2023 ўқув йилида Академия магистратураси тингловчилари сафига тавсия этилди.

Таълимнинг кундузги шаклига тавсия этилган номзодлар жорий йилнинг 5 сентябрь куни соат 10:00 да Бош прокуратура Академияси биносида қуйидаги ҳужжатлар билан ҳозир бўлиши сўралади:

1. Шахсини тасдиқловчи ҳужжатнинг асли (паспорт);
2. Танловга тақдим этган дипломи ва диплом иловасининг асли.

Таълимнинг сиртқи шаклига тавсия этилган номзодлар Академияга таклиф этиладиган  сана ҳақида қўшимча хабар берилади.

Ўзбекистон Республикаси Бош прокуратураси Академияси жамоаси Академия магистратурасига танловдан муваффақиятли ўтган номзодларни табриклаб, уларга илм-фан, таълим ва амалиёт чўққиларини эгаллашларида улкан зафарлар тилайди.