ARIN-WCA тармоғи Бошқарув гуруҳининг йиғилиши ўтказилди

Бош прокуратура Академиясида Ғарбий ва Марказий Осиё давлатларининг активларни қайтариш бўйича ноформал идоралараро тармоғи (ARIN-WCA) Бошқарув гуруҳи аъзоларининг навбатдаги йиғилиши бўлиб ўтди.

Тадбир онлайн ва анъанавий шаклда ўтказилиб, унда ARIN-WCA Бошқарув гуруҳи аъзолари – Покистон, Туркманистон, Эрон ва Ўзбекистон давлатларининг алоқа вакиллари, БМТнинг Гиёҳвандлик ва жиноятчилик бўйича бошқармаси ҳудудий лойиҳа координатори Ж.Милсом ҳамда ушбу ташкилотнинг ҳуқуқни муҳофаза қилувчи органлар фаолияти бўйича маслаҳатчиси К. Уильямсонлар иштирок этишди.

ARIN-WCA Котибияти сифатида Бош прокуратура Академияси Бошқарув гуруҳи аъзоларини тармоқни бошқариш доирасида амалга оширилган ишлар ва келгусидаги истиқболли режалар тўғрисида таништириб ўтди.

Мазкур тадбир иштирокчилари шунингдек тармоқни самарали бошқариш, унинг доирасида ҳамкорликни кенгайтириш масалалари ҳамда келгусидаги лойиҳаларни муҳокама қилишди.

Йиғилиш якунларига кўра Бошқарув гуруҳи томонидан ARIN-WCA доирасида амалга оширилиши керак бўлган муҳим вазифа ва тадбирлар белгилаб олинди.