Тошкент шаҳридаги Халқаро Вестминстер университети вакиллари билан учрашув

Жорий йилнинг 15 сентябрь куни Бош прокуратура Академиясида Тошкент шаҳридаги Халқаро Вестминстер университети вакиллари билан учрашув бўлиб ўтди.

Учрашув давомида томонлар илмий ва таълим соҳаларида ҳамкорликни янада ривожлантириш истиқболларини ҳамда жорий лойиҳаларни муҳокама қилдилар.

Илмий ва таълим, жумладан, масофавий таълим сифатини ошириш мақсадида томонлар фанлараро ёндашувни қўллаш, мослашувчан кўникмалар ва ўқувчиларга йўналтирилган таълимни ривожлантириш, таълим таҳлили, ўқитувчиларнинг касбий ва рақамли компетенцияларини такомиллаштириш муҳимлигини таъкидладилар.

Тадбир якунида қўшма таълим ва илмий лойиҳаларни амалга ошириш, академик ҳаракатчанликни ривожлантириш, ўқув, услубий ва илмий адабиётларни биргаликда тайёрлаш ва нашр этиш масалалари бўйича ҳамкорликни мустаҳкамлаш бўйича келишувга эришилди.