Илмий кадрларнинг ривожланиш траекторияси

2020 йил 10 август куни Ўзбекистон Республикаси Бош прокуратураси Академиясида магистрлар учун “Таянч докторантура ва мустақил изланувчилик институтларига қабул қилиш: талаблари ва тартиби”га бағишланган маҳорат дарси бўлиб ўтди.

Мазкур тадбирда Академиянинг Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази бошлиғи юридик фанлар доктори, профессор М.Мамасиддиқов маъруза билан иштирок этди.

Тадбирни ўтказиш давомида қайд этилдики, Бош прокуратура Академияси 12.00.07 – “Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура”, 12.00.09 – “Жиноят процесси. Криминалистика, тезкор-қидирув ҳуқуқи ва суд экспертизаси”, 12.00.08 – “Жиноят ҳуқуқи, ҳуқуқбузарликларнинг олдини олиш. Криминология. Жиноят-ижроия ҳуқуқи”, 12.00.12 – Коррупция муаммолари (юридик фанлар)”, 12.00.03 – “Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ” ҳамда 12.00.05 – “Меҳнат ҳуқуқи. Ижтимоий таъминот ҳуқуқи” ихтисослиги бўйича мустақил изланувчиликка ҳужжатлар қабул қилинади.

Мустақил изланувчиликка талабгорлар http://phd.mininnovation.uz веб-сайти орқали рўйхатдан ўтгач, Академиянинг Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш марказига 2020 йилнинг 15 августига қадар барча зарурий ҳужжатларни тақдим этишлари тушунтирилди.

Фалсафа доктори (PhD) илмий даражаси учун мустақил изланувчиликка магистр ёки олий маълумот тўғрисидаги (ихтисослик бўйича) дипломга, диссертация тадқиқоти асосини ташкил қилувчи илмий мақолаларга эга бўлганлар ҳамда камида икки йиллик илмий-педагогик иш стажи ёки муайян илмий ютуқларга эришган номзодлар қабул қилинади.

Онлайн режимда ўтказилган маҳорат дарсида магистрлар ўзларини қизиқтирган бошқа саволларига батафсил жавоблар олдилар.