Нагоя иқтисодиёт университети профессори иштирокида маҳорат дарси ўтказилди

Ҳуқуқни муҳофаза қилиш академияси томонидан хорижий мамлакатлар етакчи олий таълим ва илмий-тадқиқот ташкилотларининг малакали мутахассисларини жалб қилган ҳолда халқаро ҳамкорликни кенгайтириш ва ижобий тажрибани жорий этишга қаратилган фаолият изчил амалга ошириб келинмоқда.

Мазкур фаолият доирасида Нагоя иқтисодиёт университети (Япония) профессори А.Умиридинов томонидан академия магистратураси тингловчилари учун ҳуқуқий соҳада блог-постлар ва хорижий мақолалар тайёрлаш бўйича маҳорат дарси ўтказилди.

Тадбир давомида эксперт мазкур соҳадаги хорижий тажриба билан бўлишиб, иштирокчиларни блог-постларни яратиш, илмий мақолалар ва нашрларни тайёрлаш ҳамда магистрлик диссертациялар доирасида тадқиқотларни олиб бориш методикаси билан батафсил таништирди.

Маҳорат дарси интерактив шаклда ташкил қилиниб, унда академия магистратура тингловчилари ўзларининг илмий ишларини шакллантиришлари учун зарур билимларни олишди.