Хотин-қизларни тазйиқ ва зўравонликдан ҳимоя қилиш масалалари бўйича малака ошириш курси

Ҳуқуқни муҳофаза қилиш академияси томонидан   махсус ишлаб чиқилган ўқув контенти асосида хотин-қизларни тазйиқ ва зўравонликдан ҳимоя қилиш масалалари бўйича прокуратура ходимларининг малакасини ошириш курси давом этмоқда.

2022-2023 йиллар оралиғида босқичма-босқич ўтказилиб келинаётган ушбу масофавий шаклдаги курс доирасида ҳозирги кунда Сирдарё вилояти прокуратурасининг ходимлари таҳсил олмоқдалар.

Хотин-қизларнинг ҳуқуқларини таъминлаш ва уларни тазйиқ ва зўравонликдан ҳимоя қилиш соҳаларида қонунчилик ижроси устидан назоратни амалга ошириш, аёллар ҳуқуқларини суд орқали ҳимоя қилиш ва тиклаш, хотин-қизларга нисбатан содир этилаётган жиноятлар ва ҳуқуқбузарликлар профилактикаси ҳамда уларнинг реабилитацияси масалаларига доир ўқув материаллари курс дастуридан ўрин олган.

Ушбу ўқув курсида назарий машғулотлар амалий ва имитациявий машғулотлар билан бирга олиб борилмоқда, бу эса тингловчиларнинг касбий малакасини оширишга хизмат қилади.