Ҳамкорлик меморандуми имзоланди

2023 йил 26 июнь куни Тошкентдаги халқаро Вестминстер университети ва Ўзбекистон Республикаси Ҳуқуқни муҳофаза қилиш академияси ўртасида таълим ва илмий-тадқиқот фаолияти соҳасида ҳамкорлик меморандуми имзоланди.

Олий таълим муассасалари ўртасидаги ҳамкорлик жараёнида қўшма лойиҳалар, стажировка дастурлари, академик алмашинувни амалга ошириш, ҳамкорликда нашрлар тайёрлаш, юридик фан ва амалиётнинг долзарб масалалари бўйича фундаментал ва амалий характердаги илмий тадқиқотларни амалга оширишни ўз ичига олган илмий ва таълим шериклигини ривожлантиришга алоҳида эътибор қаратиш режалаштирилган.