Ҳуқуқни муҳофаза қилиш Академияси магистратурасига номзодлар учун онлайн консультациялар ташкил этилмоқда

Ҳуқуқни муҳофаза қилиш академияси “Тергов фаолияти” мутахассислиги бўйича магистратурага ўқишга кирмоқчи бўлган номзодлар учун онлайн консультациялар ўтказилмоқда.

Консультация давомида номзодларга кириш имтиҳонлари, Академия магистратурасида таълим жараёнлари, шунингдек илмий-тадқиқот ишини олиб боришнинг ўзига хос хусусиятлари тўғрисида батафсил маълумот берилмоқда.

Кириш имтиҳонлари психологик ва чет тилидан тест ҳамда ёзма имтиҳон (эссе) иборатдир.

Ёзма имтиҳон Жиноят ҳуқуқи ва Жиноят процессуал ҳуқуқи бўйича саволлардан ташкил топган.

Имтиҳоннинг ушбу босқичини ўтказиш қуйидаги тартибда амалга оширилади: мутахассислик фанлари бўйича ёзма имтиҳоннинг янада шаффоф ва холис бўлиши ҳамда бу борада номзодларга тенг имкониятларни яратиш мақсадида номзодлар орасидан танланадиган вакил томонидан битта билет танлаб олиниши ва барча номзодлар ушбу билетдаги 4 та саволдан иккитасига жавоб ёзиши белгиланмоқда.

Консультация давомида номзодларга имтиҳон ўтказиладиган жой ва вақти ҳақида ҳам маълумот берилмоқда.

Навбатдаги консультациялар 10 ва 14 август кунлари ўтказилади.

Мазкур консультацияларда қуйидаги ҳаволалар орқали иштирок этишингиз мумкин:

Сана – 10.08.2023 й.       Вақти – 14:00

https://us06web.zoom.us/j/85161376283?pwd=YmFMOVVSV3lONmtSTWtRVEZBME1mdz09

Сана - 14.08.2023 й.       Вақти – 18:00

https://us06web.zoom.us/j/83622543218?pwd=Zkt1K1lKVWJDR3dQOXlGaUN1ZFRZQT09