Судьялар ва прокурорлар иштирокидаги ёзги мактаб доирасида навбатдаги семинар ўқув машғулоти

Ўзбекистон Республикаси Ҳуқуқни муҳофаза қилиш Академиясида  Одил судловни амалга оширишда инсон ҳуқуқларини таъминлаш масалаларига бағишлаб ташкиллаштирилган ёзги мактаб ўқув дастури доирасида навбатдаги ўқув семинар машғулоти ўтказилди.

Семинар ўқув машғулотида Ўзбекистон Республикаси Олий судининг судьялари, Ҳуқуқни муҳофаза қилиш академияси ҳамда Судьялар олий мактабининг профессор-ўқитувчилари, амалиётда фаолият юритаётган судьялар ва прокурорлар иштирок этдилар.

Ўзбекистон Республикаси Олий судининг судьяси Э.О.Турғунбоевнинг ҳуқуқни қўллаш амалиётида юзага келаётган муаммолар ва уларнинг ечими хусусидаги маърузаси юзасидан қизғин муҳокама ўтказилиб, унда семинар иштирокчиларининг саволларига тушунтиришлар берилди.

Ёзги мактаб ўқув дастури доирасидаги ўқув машғулотлари давом эттирилмоқда.