Йўл ҳаракати хавфсизлиги соҳасидаги қўшма лойиҳани амалга ошириш доирасидаги навбатдаги учрашув

Ўзбекистон Республикаси ҳуқуқни муҳофаза қилиш академиясида Япония Халқаро ҳамкорлик агентлиги (JICA) билан амалга оширилаётган "Йўл ҳаракати хавфсизлиги" қўшма лойиҳаси доирасида япониялик экспертларнинг учрашувлари давом этмоқда.

Ушбу тадбир доирасида йўл ҳаракати хавфсизлиги соҳасидаги ҳуқуқни муҳофаза қилиш органлари, транспорт, соғлиқни сақлаш, мактаб ва мактабгача таълим соҳасидаги вазирлик ва идоралар вакиллари ҳамда суғурта компаниялари ходимлари билан учрашувлар ташкил этилди.

Япониялик экспертлар йўл ҳаракати хавфсизлиги бўйича маълумотларни тўплаш, таҳлил қилиш ва қайта ишлаш юзасидан ўз тажрибаси билан ўртоқлашди, ушбу маълумотларни тўплаш усуллари намойиш этилди.

Йўл ҳаракати ҳуқуқбузарликларининг олдини олиш ва уни профилактика қилиш масалалари муҳокама қилинди, унда ушбу йўналишдаги миллий тажриба билан ўртоқлашилди.

Ушбу учрашувлар давомида томонлар биринчи навбатда йўл ҳаракати хавфсизлиги, йўл инфратузилмаси соҳасидаги меъёрий-ҳуқуқий базани такомиллаштириш, барча йўл ҳаракати иштирокчиларининг ҳуқуқий маданияти ва малакасини ошириш зарур деган якдил фикрга келишди.