ЯНГИ ТАЙИНЛОВ

Ўзбекистон Республикаси Бош прокурорининг 2018 йил 7 августдаги буйруғига асосан Нигмаджанов Уйгун Учкунович Ўзбекистон Республикаси Бош прокуратураси Академияси бошлиғининг ўринбосари лавозимига тайинланди.

У.Нигмаджанов 1981 йилда туғилган, маълумоти олий, ҳуқуқшунос. 2003 йилда Тошкент давлат юридик институтини тамомлаган.

Прокуратура органларидаги иш фаолиятини 2004 йилда Юнусобод туман прокуратурасида бошлаб, Тошкент шаҳар прокуратураси органларида турли лавозимларда, 2007 йилдан Бош прокуратура бўлим прокурори, бошқарма прокурори, катта прокурори, бўлим бошлиғи ўринбосари лавозимларида фаолият юритган.

2012 йилдан шу вақтгача Ўзбекистон Республикаси Бош прокуратураси Халқаро-ҳуқуқий бошқармаси бошлиғи лавозимида ишлаган.