Бош прокуратура Академияси ўқитувчилари учун малака ошириш доирасида халқаро эксперт Ингрид ван Вельзенес иштирокида тренинг ўтқазилди

“Катта ёшдагиларни ўқитиш” ҳамда “интерфаол ўқитиш” нимани англатади?

Катта ёшдагилар қандай тамойилларга асосланиб ўқитилади?

Прокурорлар ва одил судлов соҳасида бошқа мутахассислар қандай ўқитилади?

2018 йил 17-18 август кунлари ЮНИСЕФ қўмагида халқаро эксперт Ингрид ван Вельзенес иштирокида Ўзбекистон Республикаси Бош прокуратураси Академиясида ташкил этилган тренингда юқорида кўрсатилган ҳамда бошқа масалалар курснинг мақсади сифатида белгиланди.

Курс Академия ўқитувчиларининг прокуратура ходимлари ва одил судлов тизими мутахассисларини ҳамда катта ёшдагилардан иборат гуруҳларни ўқитишда янги интерфаол услуб ва усулларни қўллашдаги касбий билим ва кўникмаларни ошириш мақсадида ташкил этилган.

Жумладан, прокуратура ходимларини ўқитиш методикалари тўғрисида тақдимотлар, шунингдек, ахборот технологияларидан фойдаланиб, интерфаол усулларни қўллаган ҳолда ўқитиш, тренинг материалларини тайёрлаш усуллари тўғрисида тақдимотлар намойиш этилди.

Тренинг якунида иштирокчилар тадбир юзасидан ўз фикр-мулоҳазаларини билдирдилар. Академия фаолияти жараёнида экспертнинг ўқитиш методикасини такомиллаштириш борасида берган тавсиялари инобатга олинади.