“Zakovat intellektual klubi” ННТ билан ҳамкорлик кенгаймоқда

Иқтидорли ёшларнинг интеллектуал салоҳиятини ҳамда мантиқий билимларини юксалтириш мамлакатимизда амалга оширилаётган ёшларга оид давлат сиёсатининг энг муҳим йўналишларидан бири ҳисобланади.

Ўзбекистон Республикаси Президентининг 2022 йил 20 январдаги ПҚ–96-сон қарори билан “Заковат” интеллектуал ўйини аҳоли ўртасида оммавий-маърифий ҳаракатга айланди.

Ўзбекистон Республикаси Ҳуқуқни муҳофаза қилиш академиясида “Zakovat intellektual klubi” нодавлат нотижорат ташкилоти ҳамда Академия ўртасида ҳамкорлик меморандуми имзоланди.

Мазкур меморандум асосида Заковат интеллектуал клуби вакиллари ўзи томонидан ташкил этиладиган турнирларга Академия талаба-тингловчиларини тайёрлашади, профессор-ўқитувчиларга интеллектуал ўйинларни ташкил этишда методик кўмак беришади.

Мазкур маросимдан сўнг, Бакалавриат талабалари ўртасида Заковатнинг Ўзбекистон Республикаси Ҳуқуқни муҳофаза қилиш академияси кубоги учун ўйин ўтказилди. Ўйинда жами
20 та жамоа иштирок этди. Қизғин ва муросасиз кечган ўйин натижаларига кўра, ғолиб бўлган жамоа Академия кубоги ҳамда қимматбаҳо совғалар билан тақдирланди.