Ҳудудларда туркум сайёр семинарлар ташкил қилинмоқда

Ўзбекистон Республикаси Ҳуқуқни муҳофаза қилиш академияси томонидан ҳудудий ички ишлар органлари, прокуратура ҳамда Миллий гвардия бўлинмалари ходимларининг билим ва кўникмаларини ошириш юзасидан сайёр семинарлар ташкил қилинмоқда.

Академия ходимлари Ж.Мирахмедов ва А.Ахмадовлар томонидан Қашқадарё вилояти маҳкама ҳамда ҳудудий ИИБ ходимлари учун “Криминоген вазиятни барқарорлаштириш ва ҳуқуқбузарликлар профилактикасини амалга ошириш ҳамда ушбу соҳадаги муаммолар” мавзусида навбатдаги семинар ўтказилди.

Семинар давомида вояга етмаган ёшлар ва хотин-қизлар томонидан содир этиладиган жиноятларнинг олдини олишда ижтимоий профилактикани амалга оширишнинг замонавий механизмлари, шунингдек “Миранда қоидаси” ва “Айбсизлик Презумпцияси” конституциявий нормаларига амал қилиш каби долзарб масалалар муҳокама қилинди.

Шунингдек, семинар доирасида амалиётда учрайдиган муаммолар, жумладан, идоралараро ҳамкорлик масалалари муҳокама қилинди ва уларни ҳал этиш юзасидан таклифлар ишлаб чиқилди.