Туман (шаҳар) прокурорларининг ёрдамчилари учун малака ошириш курслари ўтказилди

Ҳуқуқни муҳофаза қилиш академиясида туман (шаҳар) прокурорларининг ёрдамчилари учун “Вояга етмаганлар ҳуқуқларини ҳимоя қилиш соҳасидаги қонунчилик ижроси устидан прокурор назоратини самарали ташкил этиш” мавзусидаги малака ошириш курслари якунланди.

Курс аралаш таълим форматида ташкил этилиб, унда тингловчилар ишдан ажралмаган ҳолда масофавий таълим олдилар ҳамда олинган билимларни мустаҳкамлаш мақсадида Ҳуқуқни муҳофаза қилиш академиясида кундузги таълим тарзида ўтказилган ўқув машғулотларида иштирок этдилар.

Мазкур курс доирасида Академия профессор-ўқитувчилари томонидан жойлардаги прокуратура органларининг фаолиятини самарали ташкил этиш, вояга етмаганлар ҳуқуқларини ҳимоя қилиш соҳасида прокурор назоратини ташкил этиш, бу борадаги муаммолар ва низоли вазиятларни ҳал этиш, қарорлар қабул қилиш, манфаатлар тўқнашувини олдини олиш ва бошқа долзарб масалаларга оид касбий ва бошқарув кўникмаларини шакллантириш ҳамда ривожлантириш, шунингдек қонунчиликдаги янгиликлар бўйича ўқув машғулотлари ўтказилди.

Малака ошириш курси якунида якуний имтиҳон ўтказилди.