Жиноятчиликнинг олдини олиш масалалари юзасидан семинарлар ўтказилди

Академиянинг Ҳуқуқни муҳофаза қилиш фаолияти муаммоларини илмий-амалий тадқиқ қилиш маркази томонидан мутасадди идоралар билан ҳамкорликда Бухоро вилоятининг Қоракўл туманидаги маҳалла фуқаролар йиғинининг масъул ходимлари учун жиноятчиликнинг олдини олишга қаратилган ўқув семинарлари ташкил қилинди.

Семинарда тумандаги “маҳалла бешликлари” иштирок этиб, жиноятчиликнинг, жумладан вояга етмаганлар ва ёшлар ўртасида содир этилаётган ҳуқуқбузарликларнинг олдини олишни самарали ташкил этиш масалалари билан яқиндан танишдилар.

Шунингдек, семинар доирасида амалиётда учрайдиган муаммолар, жумладан, идоралараро ҳамкорлик масалалари муҳокама қилинди ва уларни ҳал этиш юзасидан таклифлар ишлаб чиқилди.