Терговчининг замонавий профилини шакллантириш масалаларига оид илмий-амалий семинар ўтказилди

Ҳуқуқни муҳофаза қилиш академиясида “Тергов фаолияти” бакалавриат таълим йўналиши талабалари учун “Терговчининг замонавий профилини шакллантириш масалалари” мавзусида илмий-амалий семинар ўтказилди.

Илмий-амалий семинарда Академия профессор ўқитувчилари ва Академия талабалари иштирок этишди.

Семинарда Ф.Мирзаев талабаларга терговчи фаолиятида билим ва тажрибанинг ўрни, А.Бобохонов терговчи коммуникатив фаолиятининг психологик хусусиятлари, Б.Ражабов эса терговчининг замонавий қиёфаси тўғрисида маълумот бердилар.

Семинар сўнггида талабалар ўзларини қизиқтирган саволларга батафсил жавоб олдилар.