Магистратура тингловчилари “UzAuto Motors Powertrain” заводида бўлишди

Ўзбекистон Республикаси Ҳуқуқни муҳофаза қилиш Академияси магистратурасининг “Коррупцияга қарши курашиш” мутахассислиги тингловчиларининг “O‘zavtosanoat” АЖ томонидан ўтказилган Очиқ эшиклар куни тадбири доирасида “UzAuto  Motors Powertrain” заводига ташрифи бўлиб ўтди.

Магистратура тингловчилари юртимизда автомобилсозлик соҳасида амалга оширилаётган ишлар ҳақида маълумот олиш билан бирга, “O‘zavtosanoat”   АЖ ва тизим корхоналарида коррупцияга қарши курашиш йўналиши бўйича олиб борилаётган ишлар ҳамда корхонадаги Комплаенс назорат тизими фаолияти бўйича батафсил маълумотлар олишди.

Ўқув-танишув ташрифлари давомида магистратура тингловчилари коррупцияга қарши курашиш соҳасида олаётган назарий билимларини соҳавий амалиётни бевосита ўрганиш орқали мустаҳкамлаб олиш имконига эга бўлишди.