Бола ҳуқуқлари бўйича бинар маҳорат дарси

Ҳуқуқни муҳофаза қилиш академиясида бакалавриат талабалари учун бола ҳуқуқларини ҳимоя қилишнинг миллий тизими бўйича бинар маҳорат дарси ўтказилди.

Бинар машғулотда Халқаро ҳуқуқ ва инсон ҳуқуқлари кафедраси ўқитувчиси Б.Кадирова ҳамда Бош прокуратуранинг Фуқароларнинг ҳуқуқ ва эркинликларини ҳимоя қилиш бўлими катта прокурори С.Ахмедов маъруза қилдилар.

Маҳорат дарси давомида бола ҳуқуқларини ҳимоя қилишга доир халқаро-ҳуқуқий стандартларнинг амалиётда қўлланилиши ва миллий қонунчиликка имплементация қилиниши, мамлакатимизда бола ҳуқуқларини таъминлаш соҳасида амалга оширилаётган ишлар ҳақида батафсил маълумот берилди.

Ўқув машғулоти баҳс-мунозараларга бой тарзда ўтиб, талабалар ўзларининг қизиқтирган саволларига жавоб олдилар.