Сайёр маҳорат дарслари ўтказилди

Академияда бакалавриат таълим йўналишлари ўқув режасига асосан талабаларнинг касбий тайёргарлиги бўйича билим, кўникма ва малакаларини шакллантириш ва ривожлантириш мақсадида уларга “Ҳарбий-ватанпарварлик тайёргарлиги” модули доирасида Фуқаро муҳофазаси фани бўйича машғулотлар мунтазам ўтказиб келинмоқда.

Ҳусусан, талабаларда фавқулотда вазиятлар, уларнинг турлари, келиб чиқиш сабабалари, ушбу ҳолатларда ҳаракатланиш усул ва услублари ҳақида умумий тушунчаларни шакллантириш мақсадида 1-курс талабалари билан Фуқаро муҳофазаси институтига экскурсия, шу билан бирга, Симуляция марказида амалий маҳорат дарслари ташкил этилди.

Талабалар тадбирлар давомида мавзу доирасида олган назарий билимларини соҳа мутаҳассислари ёрдамида мустаҳкамладилар ва амалий кўникмаларини шакллантирдилар.