Жиноят ишлари бўйича судда сайёр ўқув машғулоти

Ҳуқуқни муҳофаза қилиш академияси магистратураси тингловчилари учун “Инсон ҳуқуқлари миллий тизими” модули доирасида Жиноят ишлари бўйича Мирзо Улуғбек туман судида “Инсоннинг одил судловга бўлган ҳуқуқи” мавзусида сайёр машғулоти ўтказилди.

Машғулот давомида туман судининг судьялари С.Абдуганиев, М.Каюмов ҳамда Б.Каюмовлар жиноят суд ишларини кўришда инсон ҳуқуқларини таъминлаш масалаларини тушунтириб ўтдилар.

Сайёр ўқув машғулоти давомида магистратура тингловчилари ўзларини қизиқтирган саволларга жавоб олдилар ва улар мазкур жараёнда кўрилаётган маъмурий ҳамда жиноят ишлари бўйича суд процессларида бевосита қатнашдилар.