Ўзбекистон Республикасининг “Прокуратура тўғрисида”ги Қонунига шарҳ тайёрланди

Ўзбекистон Республикаси Бош прокуратураси ва Ҳуқуқни муҳофаза қилиш академияси ходимларидан иборат муаллифлар жамоаси томонидан Ўзбекистон Республикасининг “Прокуратура тўғрисида”ги Қонунига шарҳ тайёрланди.

Бундан кўзланган асосий мақсад амалдаги “Прокуратура тўғрисида”ги Қонуннинг бир хилда тушунилиши ва ижро қилинишини таъминлаш, унга доир билимларни, аввало, шу қонунларни қўлловчиларга етказиш, ҳар бир нормани амалга ошириш механизмлари, усул ҳамда услубларини ўргатишдан иборатдир.

Мазкур шарҳ прокуратура органлари ходимлари, юридик таълим муассасаларининг тингловчи ва талабалари, тадқиқотчилар, мутахассислар ва барча қизиқувчиларга фойдали манбалардан бири бўлиб хизмат қилади.