СОЛИҚ ИСЛОҲОТЛАРИНИ ҲУҚУҚИЙ ҚЎЛЛАБ-ҚУВВАТЛАШ МАСАЛАЛАРИГА БАҒИШЛАНГАН ЎҚУВ СЕМИНАРИ ЎТКАЗИЛДИ

Бош прокуратура Академиясида Ўзбекистон Республикаси Президентининг 2018 йил 2 августдаги “Ўзбекистон Республикасида амалга оширилаётган солиқ ва божхона ислоҳотларини ҳуқуқий қўллаб-қувватлаш чора-тадбирлари тўғрисида”ги ПФ-5499-сонли Фармони ижросини таъминлаш масалаларига бағишланган видеоконференцалоқа режимида навбатдаги ўқув семинари ўтказилди.

Тадбирда Бош прокуратура, Молия вазирлиги, Давлат солиқ қўмитаси ходимлари, шунингдек, солиқ ва божхона соҳаларидаги қонунчилик ижроси устидан назоратни амалга ошириш учун масъул Қорақалпоғистон Республикаси, вилоятлар, Тошкент шаҳар ҳамда туман (шаҳар) прокурорларининг ўринбосарлари иштирок этди.

Семинарда Ўзбекистон Республикаси солиқ ва бюджет сиёсатининг асосий йўналишлари, солиқ сиёсатини такомиллаштириш концепцияси, солиқ сиёсатини самарали амалга оширилишини таъминлашда солиқ тизими ва солиқ режимининг ўзига хос хусусиятлари, солиқ тизими ва маъмуриятчилигини такомиллаштиришнинг долзарб масалалари атрофлича муҳокама қилинди.

Шунингдек, тадбирда назорат қилувчи органлар томонидан тадбиркорлик субъектлари фаолиятида ўтказиладиган текширувларни келишиш ва ўтказиш, солиққа тортиш соҳасида қонунийлик аҳволини тизимли таҳлил қилиш бўйича тегишли тавсия ва кўрсатмалар берилди.

Иштирокчилар ўзларини қизиқтирган саволлар юзасидан батафсил маълумот олдилар.