Ёшларда экстремизм ва терроризмга қарши мафкуравий иммунитетни шакллантириш масалаларига оид тренинг

Ҳуқуқни муҳофаза қилиш академияси томонидан Юнусобод тумани ИИО ФМБ ходимлари ва диний муассаса вакиллари билан ҳамкорликда Академиянинг 2-курс талабалари учун “Жиноят ҳуқуқи” модули доирасида “Ёшлар ўртасида экстремизм ва терроризмга қарши мафкуравий иммунитетни шакллантириш масалалари” мавзусида дарс машғулоти ўтказилди.

Тадбир давомида ушбу соҳа мутахассислари томонидан ёшлар ўртасида экстремизм ва терроризмнинг ёт ғоялари таъсирига тушиб қолиш ҳоллари тобора кўпайиб бораётганлиги ва бунинг натижасида ёшларимиз томонидан содир этилаётган жиноятлар ва уларнинг бошқа салбий оқибатлари хусусида амалиётда учраётган ҳолатлар мисолида маълумот берди.

Тренинг интерфаол тарзда ўтказилди, талабалар ўзларини қизиқтирган саволларга атрофлича жавоб олдилар.