Ҳуқуқбузарликлар профилактикаси: Ўзбекистон ва Япония тажрибаси

2018 йилнинг 26 сентябрь кунида Бош прокуратура Академиясида Япония Адлия вазирлиги ва Нагоя университети вакиллари таркибидаги Япония делегацияси ташрифи доирасида “Ҳуқуқбузарликлар профилактикаси: Ўзбекистон ва Япония тажрибаси” мавзусида халқаро семинар бўлиб ўтди.

Тадбирда Ўзбекистон Республикаси Судьялар олий кенгаши ҳузуридаги Одил судлов муаммоларини ўрганиш тадқиқот маркази ходимлари, Ички ишлар вазирлиги Академияси, Юристлар малакасини ошириш маркази, Тошкент давлат юридик университети, Жаҳон иқтисодиёти ва дипломатия университети, Тошкент шаҳридаги халқаро Вестминстер университети, Ўзбекистон Республикаси Бош прокуратураси Академияси профессор-ўқитувчилари иштирок этдилар.

Мазкур халқаро семинар давомида ҳуқуқбузарликларни аниқлаш ва уларнинг профилактикаси соҳасида Япония тажрибаси, Японияда жиноятчиликни олдини олишда жазо тайинлаш ва жазодан озод қилиш масалалари, Ўзбекистонда ҳуқуқбузарликлар профилактикаси ва жиноятчиликка қарши курашиш борасида амалга оширилаётган комплекс чора-тадбирлар ва эришилаётган натижалар ҳақида тўхталиб ўтилди.      

Семинар якунида иштирокчилар ҳуқуқбузарликлар профилактикаси масалалари юзасидан фикр алмашдилар, барча қизиқтирган саволларга жавоб олдилар.