Ҳуқуқни муҳофаза қилиш органлари учун “Инсон ҳуқуқлари” дарслиги нашр этилди  

Инсон ҳуқуқлари масалалари бўйича ўқув жараёнини услубий таъминлаш мақсадида ҳуқуқни муҳофаза қилиш органлари учун “Инсон ҳуқуқлари” дарслиги нашр этилди.

Дарслик ҳуқуқни муҳофаза қилиш фаолиятида инсон ҳуқуқ ва эркинликларини таъминлаш ва ҳимоя қилишнинг концептуал ва амалий масалаларини, шу жумладан Ўзбекистон ҳуқуқни муҳофаза қилиш органларининг болаларни энг яхши манфаатларини таъминлаш, аёлларга нисбатан зўравонликка қарши курашиш, меҳнат муҳожирларининг ҳуқуқларини ҳимоя қилиш, қийноқларга, коррупцияга қарши курашиш, жиноятдан жабрланганларни ҳимоя қилишни ўз ичига олган халқаро стандартларни амалга оширишдаги роли ёритилган.

Нашр академик доиралар вакиллари, ҳуқуқни муҳофаза қилиш тизимида катта тажрибага эга бўлган эксперт ва мутахассислар орасидан шакллантирилган муаллифлар жамоаси томонидан тайёрланган.

Нашр юридик олий таълим муассасалари тингловчилари, магистрантлари, инсон ҳуқуқлари соҳасидаги тадқиқотчилар ҳамда ҳуқуқни муҳофаза қилиш фаолиятида инсон ҳуқуқларини таъминлаш масалаларига қизиқиш билдирган барча шахсларга тавсия этилган.