Академия магистратураси тингловчилари халқаро тадбирда иштирок этишди

Ўзбекистон Республикаси Ҳуқуқни муҳофаза қилиш академияси магистратураси тингловчилари Қозоғистон Республикаси Бош прокуратураси ҳузуридаги Ҳуқуқни муҳофаза қилиш органлари академияси томонидан ташкил этилган “Замонавий ҳуқуқ фанининг ривожланиши: назария ва амалиёт” мавзусидаги халқаро илмий-амалий конференцияда иштирок этишди.

Тадбирда бугунги кунда ҳуқуқ соҳаси замонавий тенденциялар асосида ривожланиб бораётгани ҳамда соҳага бир қатор инновацион ёндашувлар негизида жамиятда юзага келаётган янги кўринишдаги ижтимоий муносабатларни ҳуқуқий жиҳатдан тартибга солишда халқаро ҳуқуқ ва ҳуқуқни қўллаш амалиётидаги мавжуд ҳолатларни ўзаро мувофиқлаштириш орқали қонун ижодкорлиги ҳамда фундаментал харакатердаги илмий-тадқиқот фаолиятини янада ривожлантириш, шунингдек мазкур жараёнларда ахборот-коммуникация технологияларини кенг жорий этган ҳолда юридик кадрларни тайёрлаш тизимига алоҳида эътибор қаратиш ва уни такомиллаштириш масалалари муҳокама этилди.      

Конферения якунида иштирокчилар томонидан ҳуқуқ соҳасини келажакда замонавий тенденциялар асосида ривожлантиришда юриспруденция соҳасида илмий тадқиқот олиб бораётган илмий жамоатчилик вакиллари ва профессор-ўқитувчилар ўртасида минтақалараро интеграцион жараённи янада юқори босқичга олиб чиқиш борасида бир қатор таклиф ва тавсиялар ишлаб чиқиш юзасидан ўзаро фикр-мулоҳазалар баён этилди.