Халқаро коррупцияга қарши курашиш академияси томонлар Ассамблеясининг еттинчи сессиясида иштирок этилди (Вена, Австрия)

Бош прокуратура академиясининг раҳбарияти жорий йилнинг 27-28 сентябрь кунлари Халқаро коррупцияга қарши курашиш академияси томонлар Ассамблеясининг еттинчи сессиясида иштирок этди (Вена, Австрия).

Тадбирда 80 дан зиёд миллий ва институционал муассасалардан 280 нафар вакиллар иштирок этишди. Аъзо-давлатлар ХКҚКА ютуқларини ва унинг глобал миқёсдаги эътирофини юқори баҳолаб, халқаро ҳамкорликни кенгайтириш муҳимлигини алоҳида таъкидладилар.

Тадбир давомида миграция шароитида коррупция оқибатларини баҳолаш ва бартараф қилиш, барқарор ривожланиш борасида бошқарув, коррупциянинг тиббий ёрдам кўрсатишга таъсирини баҳолаш масалалари муҳокама қилинди.

Академия ректори М.Кройтнер билан ўтказилган учрашув доирасида Ўзбекистон Республикасининг Халқаро коррупцияга қарши курашиш академиясини халқаро ташкилот сифатида таъсис этилиши ҳақидаги Битимга қўшилиши ҳамда ХКҚКА билан келгусидаги ҳамкорлик масалалари муҳокама қилинди.