Инсон ҳуқуқлари бўйича бинар машғулотлар ўтказилмоқда

Академияда бакалавриатнинг “Тергов фаолияти” йўналишидаги талабалари учун “Ҳуқуқни муҳофаза қилувчи органларнинг инсон ҳуқуқларини ҳимоя қилишдаги ўрни” мавзусида икки кунлик маҳорат дарслари ўтказилди.

Икки кун давом этган мазкур бинар машғулот “Инсон ҳуқуқлари миллий тизими” модули доирасида ташкил этилди. Унда Ўзбекистон Республикаси Бош прокуратурасининг Қонунийлик ва ҳуқуқ-тартиботни таъминлаш муаммоларини таҳлил қилиш бошқармаси ва Фуқароларнинг ҳуқуқ ва эркинликларини ҳимоя қилиш бўлими прокурорларининг маърузалари тингланди.

Ўзбекистонда инсон ҳуқуқларини таъминлашда ҳуқуқни муҳофаза қилувчи органларнинг хусусиятлари, уларнинг функциялари ва вазифаларига оид батафсил ахборот тадбир иштирокчиларида катта қизиқиш уйғотди.

Маҳорат дарси якунида талабалар ўзларини қизиқтирган барча саволларга жавоб олдилар.