Қорақалпоғистон Республикасида сайёр ўқув курси ўтказилди

Ҳуқуқни муҳофаза қилиш академияси ходимлари томонидан Қорақалпоғистон Республикаси прокуратураси органларида хизмат ўтаётган ёш мутахассислар учун сайёр ўқув курси ўтказилди.

Республиканинг бир қанча туман ва шаҳар прокуратураларида ёш мутахассислар билан АКТ воситасида содир этилган жиноятларни тергов қилиш масалаларига оид тренинг ташкил этилиб, уларга рақамли далиллар билан ишлаш бўйича тавсиялар берилди.

Жиноятчилик кўрсаткичлари нисбатан юқори бўлган, “Қизил ҳудуд” тоифасига кирган ҳудудлар жойига чиққан ҳолда ўрганилди ва ҳолатни ўзгартириш юзасидан тегишли илмий асосланган кўрсатмалар берилди.

Шунингдек, Қорақалпоғистон Республикаси Ички ишлар бошқармаси Киберхавфсизлик бўлими ходимлари билан учрашув ўтказилди. Рақамли далиллар билан боғлиқ фош этилмаган жиноят иши ҳужжатлари ўрганилди ҳамда улар юзасидан рақамли далилларни аниқлаш, таҳлил қилиш, тўплаш ҳамда жиноятни фош этиш бўйича зурур тавсиялар берилди.

Шу билан бирга, Академия ходимлари томонидан ёш мутахассислар ва ҳуқуқни муҳофаза қилувчи органлар терговчилари учун семинар-тренинг ташкил этилиб, прокуратура органларида ишларни ташкил этиш, қонунчилик ижроси устидан прокурор текширувларини ўтказиш ва прокурор назорати ҳужжатларини қўллаш масалалари, шунингдек рақамли далиллар ва уларнинг мақбуллиги ҳамда кибержиноятларни тергов қилишда крипто-активларни тадқиқ этиш мавзулари бўйича тушунтиришлар берилди.