Инсон ҳуқуқлари йўналишида навбатдаги сайёр машғулот

Ўзбекистон Республикаси Ҳуқуқни муҳофаза қилиш академияси магистратураси тингловчилари учун “Инсон ҳуқуқлари миллий тизими” модули доирасида Одам савдоси жабрдийдаларига ёрдам бериш бўйича республика реабилитация марказида сайёр ўқув машғулоти ўтказилди.

Сайёр машғулот давомида тингловчиларга марказ ходимлари томонидан марказнинг ташкил этилиши тарихи ҳамда фаолиятининг ҳуқуқий асослари ҳақида гапириб ўтилди.

Мазкур машғулоти давомида магистратура тингловчилари назарий билимларини соҳавий амалиётни бевосита ўрганиш орқали мустаҳкамлаб олиш имконига эга бўлишди.

Сайёр ўқув машғулоти баҳс-мунозараларга бой тарзда ўтиб, иштирокчилар ўзларининг қизиқтирган саволларига жавоб олдилар.