Академия талабалари рейтинги тақдимоти

Таълим сифатини ошириш, талабаларни таълим дастурларини фаол ва тенг равишда ўзлаштиришга ундаш мақсадида Академияда рейтинг тизими жорий этилган. Ушбу тизим Академиянинг бакалавриат талабалари ва магистратура тингловчиларининг муайян давр мобайнида ўқув режасидаги фанларни ўзлаштиришдаги муваффақиятларини қайд этади ва намойиш этади.

Рейтинг таълим сифати ва самарадорлиги, талабаларнинг шахсий таълим ютуқлари тўғрисида табақалаштирилган ва хилма-хил маълумотларни олиш имконини беради ва кундузги таълим талабалари фаолиятининг академик, илмий, ижтимоий, маданий-ижодий, спорт каби турли томонларини ҳисобга оладиган кўрсаткичлардан тузилади. Баллар билан ифодаланган барча кўрсаткичлар йиғиндиси талабанинг индивидуал рейтингини белгилайди. Рейтинг ҳар ўқув йилида икки марта семестр натижаларига кўра ҳисобланади.

Рейтинг натижаларига кўра энг яхши кўрсаткичларга эришган ва рейтингда энг юқори ўринларни эгаллаган талабаларни рағбатлантириш тизими назарда тутилган бўлиб, рейтинг натижалари бошқарув қарорларини қабул қилишда, шунингдек, халқаро академик мобиллик борасидаги, ишга қабул қилишга оид, ва бошқа шу каби муҳим қарорларни қабул қилишда ҳисобга олинади.