Магистратуранинг “Тергов фаолияти” мутахассислиги бўйича қабул тугашига 5 кун қолди  

Ўзбекистон Республикаси Ҳуқуқни муҳофаза қилиш академиясида 2024/2025 ўқув йили учун “Тергов фаолияти” мутахассислиги бўйича таълимнинг кундузги шакли учун магистратурага қабул давом этмоқда.

Магистратурага танлов ваколатли давлат органларининг суриштирув ва тергов фаолиятини амалга оширувчи тузилмаларида ҳамда прокуратура органларида камида 3 йил хизматни ўтаган «Юриспруденция» бакалавриат таълим йўналиши бўйича таянч олий юридик маълумотга эга амалдаги ходимлари (ҳарбий хизматчилари) орасида ўтказилади.

Ўқишга қабул қилинган ходимларнинг эгаллаб турган лавозими ва ўртача ойлик иш ҳақи ўқиш даври мобайнида сақлаб қолинади.

Номзодлар томонидан ҳужжатлар 10 майдан 10 июнга қадар Олий таълим, фан ва Инновациялар вазирлиги ҳузуридаги Билим ва малакаларни баҳолаш агентлигининг “mydtm.uz” электрон платформаси (my.uzbmb.uz) орқали тақдим этилади.

Кириш имтиҳонлари август ойида бир кунда уч босқичда, яъни тест шаклида ўтказиладиган махсус психологик танлов, ёзма имтиҳон ва чет тилидан тест синови орқали амалга оширилади.

Ўқиш кундузги таълим шаклида бир йил давомида амалга оширилади.

2024/2025 ўқув йилида Академия магистратураси Тергов фаолияти мутахассислик бўйича таълимнинг кундузги шакли учун жами 47 та (давлат гранти) қабул параметри тасдиқланган.

Магистратуранинг “Прокурорлик фаолияти”, “Коррупцияга қарши курашиш”, “Инсон ҳуқуқларига оид халқаро ҳуқуқ” ҳамда “Прокурорлик фаолияти СИРТҚИ ва КЕЧКИ” мутахассисликларига қабул 10 июндан – 31 июлга қадар “mydtm.uz” электрон платформаси (my.uzbmb.uz) орқали ташкил этилади ва бу ҳақда қўшимча батафсил эълон берилади.

Ўзбекистон Республикаси Ҳуқуқни муҳофаза қилиш академияси магистратурасига қабул қилиш ва ўқитишни ташкил этиш тартиби тўғрисидаги низом билан қуйидаги ҳавола орқали танишишингиз мумкин: http://lex.uz/uz/docs/6425532.

Академия магистратурасига кириш имтиҳонлари билан боғлиқ янгиликлар Академиянинг расмий веб-сайти (www.proacademy.uz), ижтимоий тармоқлардаги расмий саҳифалари:

www.facebook.com/ProsecutorAcademy ,

www.instagram.com/proacademyuz/,

www.twitter.com/ProAcademyUz ,

www.youtube.com/@user-bh7zw2wp9o

https://t.me/TheLawEnforcementAcademy ҳамда оммавий ахборот воситалари орқали танишиб боришингиз мумкин.

Шунингдек, Академия магистратурасига қабул билан боғлиқ маълумотларни 71-202-04-96 (ички: 1795 ва 1775) телефон рақами орқали ҳам билиб олишингиз мумкин.