Мувофиқлаштириш йиғилишида ҳамкорлар иштироки

2018 йил 9 октябрда Бош прокурор ўринбосари Э.Т.Юлдашев ва Бош прокуратура Академияси вакиллари БМТнинг Ўзбекистон Республикасининг 2016-2020 йилларда тараққиётига кўмаклашиш дастури (ЮНДАФ) ҳамда Ўзбекистон Республикасининг 2017-2021 йилларда ривожланишнинг бешта устувор йўналишлари бўйича ҳаракатлар стратегияси асосида саъй-ҳаракатларни бирлаштириш доирасида ўтказилган мувофиқлаштириш йиғилишида иштирок этдилар.

Учрашувда БМТнинг Ўзбекистондаги доимий координатори, БМТ Тараққиёт Дастурининг Ўзбекистондаги доимий вакили Х.Фрайзер ва Буюк Британиянинг Ўзбекистондаги фавқулодда ва мухтор элчиси К.Аллан,  АҚШ, Франция ва Швейцария элчихоналари вакиллари, халқаро ташкилотлар ва Ўзбекистонда аккредитациядан ўтган молия институтларининг вакиллари иштирок этдилар.

Иштирокчилар «Самарали бошқарув» йўналишида БМТнинг Ўзбекистон Республикасининг тараққиётига кўмаклашиш дастурини самарали амалга ошириш доирасида ҳалқаро алоқалар натижалари ва истиқболли йўналишлари муҳокама қилинди.