Ҳуқуқни муҳофаза қилиш академияси магистратурасига қабул давом этмоқда

Ўзбекистон Республикаси Ҳуқуқни муҳофаза қилиш академияси магистратурасининг “Прокурорлик фаолияти” (кундузги, кечки ва сиртқи таълим шаклларига), “Коррупцияга қарши курашиш” ҳамда “Инсон ҳуқуқларига оид халқаро ҳуқуқ” мутахассисликлари бўйича жорий йилнинг 31 июлига қадар қабул давом этиши маълум қилинади.

Хусусан, ушбу мутахассисликлар бўйича таълим жараёни бевосита бугунги кундаги ҳуқуқни қўллаш амалиётини назария билан ўзвий боғлиқлигини таъминлаган ҳолда амалга оширилиб, намунали тингловчиларни хорижий мамлакатларга қисқа муддатли стажировка ўташ учун юбориш амалиёти кенг йўлга қўйилган.      

Шунингдек, магистратура мутахассисликларини муваффақиятли якунлаган тингловчилар келгусида прокуратура органларига хизматга қабул қилиниши мумкин.

Мазкур магистратура йўналишлари бўйича ўтказилаётган танловда қуйидаги шахслар иштирок этиши мумкин:

- «Юриспруденция» бакалавриат таълим йўналиши бўйича таянч олий юридик маълумотга эга шахслар;

- бошқа таълим йўналишлари бўйича олий маълумот ва бевосита прокуратура органларида камида 5 йиллик меҳнат стажига эга бўлган прокуратура органлари ходимлари.

Ўқиш таълимнинг кундузги шаклида бир йил, сиртқи шаклида эса бир ярим йилдан икки йилгача давом этади.

Магистратурага ўқишга қабул қилинган прокуратура органлари ходимларининг эгаллаб турган лавозими ва ўртача ойлик иш ҳақи ўқиш даври мобайнида сақлаб қолинади.

Ҳужжатлар  Олий таълим, фан ва Инновациялар вазирлиги ҳузуридаги Билим ва малакаларни баҳолаш агентлигининг “mydtm.uz” электрон платформаси (www.my.uzbmb.uz) орқали тақдим этилади.

Танловда иштирок этувчи номзодларнинг бакалавриат диплом бали ўртача кўрсаткичи ҳамда чет тилидан миллий ёки халқаро сертификат бали асосида амалга оширилади ҳамда қўшимча имтиҳон ўтказилмайди.

Чет тилидан сертификатга эга бўлмаган ички номзодлар учун Агентлик томонидан август ойида тест ўтказилади.

 Қўшимча маълумотлар учун:

Ўзбекистон Республикаси Ҳуқуқни муҳофаза қилиш академияси магистратурасига қабул қилиш ва ўқитишни ташкил этиш тартиби тўғрисидаги Низом билан қуйидаги ҳавола орқали танишиш мумкин: http://lex.uz/uz/docs/6425532.

Академия магистратурасига кириш имтиҳонлари билан боғлиқ янгиликлар Академиянинг расмий веб-сайти (www.proacademy.uz) ва қуйидаги ижтимоий тармоқлардаги расмий саҳифалари:

www.facebook.com/ProsecutorAcademy ,

www.instagram.com/proacademyuz/,

www.twitter.com/ProAcademyUz ,

www.youtube.com/@user-bh7zw2wp9o

https://t.me/TheLawEnforcementAcademy ҳамда оммавий ахборот воситалари орқали танишиб бориш мумкин.

Шунингдек, магистратурага қабул жараёнлари билан боғлиқ қўшимча маълумотларни қуйидаги телефон рақамлар: 71-202-04-96 (ички: 1716 ва 1795) орқали ҳам билиб олиш мумкин.