Ўзбекистон Республикаси Ҳуқуқни муҳофаза қилиш академияси бакалавриати “Прокурорлик фаолияти”  йўналишини танлаш учун 1 кун қолди

Маълумки, абитуриентлар my.uzbmb.uz махсус электрон платформада жорий йилнинг 27 июлдан 10 августга қадар 5 та олий таълим муассасалари ва таълим йўналишларини танлашлари лозим.

Шу боис, абитуриентлар Ҳуқуқни муҳофаза қилиш академиясининг “Прокурорлик фаолияти” бакалавриат таълим йўналишини танлаши мумкинлигини эслатиб ўтамиз.

Шунингдек, Академияни бакалавриатининг “Тергов фаолияти” йўналиши бўйича танловдан иштирок этган номзодлар ҳам “Прокурорлик фаолияти” бакалавриат таълим йўналишини танлаши мумкин.

Академия бакалавриати “Прокурорлик фаолияти” мутахассислиги бўйича ўқитиш кундузги ва сиртқи таълим йўналишларида ўзбек ва рус тилларида, давлат грантлари ва тўлов контракт асосида амалга оширилади.

Ҳуқуқни муҳофаза қилиш академияси бакалавриатига кириш имтиҳонлари билан боғлиқ янгиликлар билан Академиянинг расмий веб-сайти (www.proacademy.uz), ижтимоий тармоқлардаги расмий саҳифалари:

www.facebook.com/ProsecutorAcademy

www.instagram.com/proacademyuz/

https://t.me/TheLawEnforcementAcademy ҳамда бошқа оммавий ахборот воситалари орқали танишиб боришингиз мумкин.