Ўзбекистон Республикаси Ҳуқуқни муҳофаза қилиш академиясида иккинчи ва ундан кейинги олий таълимга рўйхатдан ўтишга бир кун қолди

Академияда 2024/2025 ўқув йилидан эътиборан иккинчи ва ундан кейинги олий таълимнинг бакалавриат “60420100 – Юриспруденция (прокурорлик фаолияти)" йўналишини сиртқи таълим шакли ўқишга кириш учун рўйхатдан ўтиш 10 август куни якунланади (https://my.edu.uz ҳаволаси орқали).

Эслатиб ўтамиз, кириш имтиҳонлари тест синовлари шаклида “Ҳуқуқшунослик фани” бўйича Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ўтказилади.

Шунингдек, тест синовларида иштирок этиш учун барча талабгорлардан базавий ҳисоблаш миқдорининг ярим баравари миқдорида (170 000 сўм тўлиқ) тўлов ундирилади (тўловни амалга оширганда комиссияни инобатга олиш керак).

Тўловни 400910860262667094100010001 ҳисоб рақамга абитуриенти Ф.И.Ш. (ҲМҚА иккинчи ва ундан кейинги олий таълимга) кўрсатган ҳолда ўтказиш лозим.

Иккинчи ва ундан кейинги олий таълим бакалавриатнинг “60420100 – Юриспруденция (прокурорлик фаолияти)” йўналишини сиртқи таълим шаклига ўқишга қабул қилиш тўлов-контракт асосида амалга оширилади.

Ҳуқуқни муҳофаза қилиш академияси бакалавриатига кириш имтиҳонлари билан боғлиқ янгиликлар билан Академиянинг расмий веб-сайти (www.proacademy.uz), ижтимоий тармоқлардаги расмий саҳифалари:

www.facebook.com/ProsecutorAcademy

www.instagram.com/proacademyuz/

https://t.me/TheLawEnforcementAcademy ҳамда бошқа оммавий ахборот воситалари орқали танишиб боришингиз мумкин.

Шунингдек, мавжуд саволларга жавоб бериш учун телеграм гуруҳ очилган: https://t.me/+nH-ESrp0YPwyZGQy.