Раҳбар кадрларни қайта тайёрлаш курси якунланди

Ҳуқуқни муҳофаза қилиш академиясида прокуратура органларида раҳбарлик лавозимларини эгаллаш учун захирада турган кадрларни касбий қайта тайёрлаш курси якунланди ва битирувчиларга диплом топшириш маросими ўтказилди.

Курс дастури замонавий бошқарув ва менеджментнинг инновацион шакллари ва методларини ўзлаштириш, раҳбар кадрларнинг билим ва лидерлик кўникмаларини ривожлантириш, тингловчиларнинг етакчилик фазилатларини мустаҳкамлашга йўналтирилган.

Академияда ўқиш жараёнида тингловчилар ўз касбий фаолиятидан келиб чиқиб танлаган долзарб мавзулар бўйича илмий-тадқиқот фаолиятини амалга ошириб, имтиҳон жараёнида битирув малакавий ишларини ҳимоя қилишди.

Прокуратура органлари ходимлари раҳбарлик лавозимларини эгаллаш учун захирада турган кадрларни касбий қайта тайёрлаш курслари битирувчиларига касбий қайта тайёрлаш ҳақида дипломлар топширилди.