Ҳуқуқни муҳофаза қилиш академияси магистратурасига имтиҳонлар ўтказилади

Жорий йилнинг 16 август куни Ўзбекистон Республикаси Ҳуқуқни муҳофаза қилиш академиясининг 2024/2025 ўқув йилида қуйидаги мутахассисликлари учун имтиҳонлар ўтказилиши маълум қилинади:

“Тергов фаолияти” – барча номзодлар учун чет тили, психологик тест ва ёзма имтиҳон;

“Прокурорлик фаолияти” – ички номзодлар учун чет тили;

“Прокурорлик фаолияти” (сиртқи, кечки) – ички номзодлар учун чет тили;

“Коррупцияга қарши курашиш” – ички номзодлар учун чет тили;

“Инсон ҳуқуқларига оид халқаро ҳуқуқ” – ички номзодлар учун чет тили.

Барча мутахассисликлар бўйича имтиҳонлар 2024 йил 16 август куни соат 08:00 да Тошкент шаҳар Олмазор тумани Университет кўчаси 2-уй манзилида жойлашган Ўзбекистон миллий унверситети спорт мажмуаси биносида бошланади.

Шу муносабат билан барча номзодлар кўрсатилган манзилда соат 07:00 дан кечикмай шахсни тасдиқловчи ҳужжатнинг (паспорт ёки ID-карта) асли билан ҳозир бўлишлари сўралади.