Ўзбекистон Республикаси Ҳуқуқни муҳофаза қилиш академиясида иккинчи ва ундан кейинги олий таълимга рўйхатдан ўтган номзодлар диққатига

Ўзбекистон Республикаси Ҳуқуқни муҳофаза қилиш академиясида 2024/2025 ўқув йилида иккинчи ва ундан кейинги олий таълимнинг бакалавриат “60420100 – Юриспруденция (прокурорлик фаолияти)” йўналишида сиртқи таълим шаклида ўқишга кириш учун рўйхатдан ўтиб, тестда иштирок этиш учун белгиланган муддатларда тўловни амалга оширган номзодлар рўйхати эълон қилинади.

Эслатиб ўтамиз, кириш имтиҳонлари тест синовлари шаклида Ҳуқуқшунослик фани бўйича Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ўтказилади.

Тест синовлари 2024 йил 22 август куни икки сменада ташкил этилади: 1-смена соат 07:00 да, 2-смена соат 13:00 да бошланади.

Рўйхатдаги номзодлар тестда иштирок этиш учун кўрсатилган вақтда Тошкент ш. Ислом каримов кўчаси 49-уй манзилида жойлашган Тошкент давлат иқтисодиёт университети биносига паспорт ёки ID-карта асли билан етиб келиши лозим.

Ҳуқуқни муҳофаза қилиш академияси бакалавриатига кириш имтиҳонлари билан боғлиқ янгиликлар билан Академиянинг расмий веб-сайти (www.proacademy.uz), ижтимоий тармоқлардаги расмий саҳифалари:

www.facebook.com/ProsecutorAcademy

www.instagram.com/proacademyuz/

https://t.me/TheLawEnforcementAcademy орқали мунтазам ёритиб борилади.