Бош прокуратура Академияси ва «Buyuk Kelajak» ХННТ ўртасида ҳамкорлик тўғрисида Меморандум имзоланди

2018 йил 24 октябрь куни Бош прокуратура Академиясида «Buyuk Kelajak» Халқаро нодавлат нотижорат ташкилоти ва Ўзбекистон Республикаси Бош прокуратураси Академияси ўртасида ҳамкорлик тўғрисидаги Меморандум имзоланишига бағишланган тантанали тадбир бўлиб ўтди.

Тадбирда Академия раҳбарияти, профессор-ўқитувчилар таркиби, тингловчилар ва «Buyuk Kelajak» ХННТ раҳбарияти ҳамда вакиллари иштирок этдилар.

«Buyuk Kelajak» ХННТ экспертлар кенгаши билан ҳамкорликнинг ўрнатилиши, «Buyuk Kelajak» ХННТ экспертларини Академия фаолиятига жалб қилиш йўли билан Бош прокуратура Академиясининг илмий-таълимий салоҳиятини ошириш имконини беради.

Тадбир давомида конструктив мулоқот амалга оширилиб, унда томонлар ҳамкорлик истиқболларини муҳокама қилдилар ва биргаликда амалга ошириладиган ишлар соҳаларини белгилаб олдилар.